గణనాయక అష్టకం

శ్రీ గణనాయక అష్టకం

ఏకదంతం మహాకాయం తప్తకాంచనసన్నిభమ్ |

లంబోదరం విశాలాక్షం వందేఽహం గణనాయకమ్ || 1 ||

మౌంజీ కృష్ణాజినధరం నాగయజ్ఞోపవీతినమ్ |

బాలేందుశకలం మౌళౌ వందేఽహం గణనాయకమ్ || 2 ||

చిత్రరత్నవిచిత్రాంగచిత్రమాలావిభూషితమ్ |

కామరూపధరం దేవం వందేఽహం గణనాయకమ్ || 3 ||

గజవక్త్రం సురశ్రేష్ఠం కర్ణచామరభూషితమ్ |

పాశాంకుశధరం దేవం వందేఽహం గణనాయకమ్ || 4 ||

మూషకోత్తమమారుహ్య దేవాసురమహాహవే |

యోద్ధుకామం మహావీర్యం వందేఽహం గణనాయకమ్ || 5 ||

యక్షకిన్నరగంధర్వసిద్ధవిద్యాధరైస్సదా |

స్తూయమానం మహాబాహుం వందేఽహం గణనాయకమ్ || 6 ||

అంబికాహృదయానందం మాతృభిఃపరివేష్టితమ్ |

భక్తప్రియం మదోన్మత్తం వందేఽహం గణనాయకమ్ || 7 ||

సర్వవిఘ్నకరం దేవం సర్వవిఘ్నవివర్జితమ్ |

సర్వసిద్ధిప్రదాతారం వందేఽహం గణనాయకమ్ || 8 ||

గణాష్టకమిదం పుణ్యం యః పఠేత్సతతం నరః |

సిద్ధ్యంతి సర్వకార్యాణి విద్యావాన్ ధనవాన్ భవేత్ || 9 ||

#karthika_puranam