నవరత్న మాలిక (ఆదిశంకరాచార్య విరచిత)

వినాలి అన్న ఈ లింక్ చూడగలరు -:

https://youtu.be/iAi-BXF4NDU?feature=shared

హారనూపురకిరీటకుండలవిభూషితావయవశోభినీం

కారణేశవరమౌలికోటిపరికల్ప్యమానపదపీఠికామ్ |

కాలకాలఫణిపాశబాణధనురంకుశామరుణమేఖలాం

ఫాలభూతిలకలోచనాం మనసి భావయామి

పరదేవతామ్ || ౧ ||

గంధసారఘనసారచారునవనాగవల్లిరసవాసినీం

సాంధ్యరాగమధురాధరాభరణసుందరాననశుచిస్మితా

స్మేరచారుముఖమండలాం

విమలగండలంబిమణిమండలాం|

మంధరాయతవిలోచనామమలబాలచంద్రకృతశేఖరీం

ఇందిరారమణసోదరీం మనసి భావయామి

పరదేవతామ్ || ౨ ||

హారదామపరిశోభమానకుచభారభీరుతనుమధ్యమామ్|

వీరగర్వహరనూపురాం వివిధకారణేశవరపీఠికాం

మారవైరిసహచారిణీం మనసి భావయామి

పరదేవతామ్ || ౩ ||.

భూరిభారధరకుండలీంద్రమణిబద్దభూవలయపీఠికాం

వారిరాశిమణిమేఖలావలయవహ్నిమండలశరీరిణీమ్

వారిసారవహకుండలాం గగనశేఖరీం చ

పరమాత్మికాంచారుచంద్రవిలోచనాం మనసి భావయామి

పరదేవతామ్ || ౪ ||

కుండలత్రివిధకోణమండలవిహారషడ్డలసముల్లసత్పుండరీకముఖభేదినీం చ

ప్రచండభానుభాసముజ్జ్వలామ్ |

మండలేందుపరివాహితామృతతరంగిణీమరుణరూపిణీ

మండలాంతమణిదీపికాం మనసి భావయామి

పరదేవతామ్ || ౫ ||

వారణాననమయూరవాహముఖదాహవారణపయోధరా

చారణాదిసురసుందరీచికురశేకరీకృతపదాంబుజామ్|

కారణాధిపతిపంచకప్రకృతికారణప్రథమమాతృకాం

వారణాంతముఖపారణాం మనసి భావయామి

పరదేవతామ్ || ౬ ||

పద్మకాంతిపదపాణిపల్లవపయోధరాననసరోరుహాం

పద్మరాగమణిమేఖలావలయనీవిశోభితనితంబినీమ్

పద్మసంభవసదాశివాంతమయపంచరత్నపదపీఠికాం

పద్మినీం ప్రణవరూపిణీం మనసి భావయామి

పరదేవతామ్ || ౭ ||

ఆగమప్రణవపీఠికామమలవర్ణమంగళశరీరిణీం

ఆగమావయవశోభినీమఖిలవేదసారకృతశేఖరీమ్ |

మూలమంత్రముఖమండలాం

ముదితనాదబిందునవయౌవనాం

మాతృకాం త్రిపురసుందరీం మనసి భావయామి

పరదేవతామ్ || ౮ ||

కాలికాతిమిరకుంతలాంతఘనభృంగమంగళవిరాజినీ

చూలికాశిఖరమాలికావలయమల్లికాసురభిసౌరభామ్

వాలికామధురగండమండలమనోహరాననసరోరుహాం

కాలికామఖిలనాయికాం మనసి భావయామి

పరదేవతామ్ || ౯ ||

నిత్యమేవ నియమేన జల్పతాం

భుక్తిముక్తిఫలదామభీష్టదామ్ |

శంకరేణ రచితాం సదా

జపేన్నామరత్ననవరత్నమాలికామ్ || ౧౦ ||

.

*శ్రీ ఆదిశంకరాచార్య విరచిత* కాలభైరవాష్టకం

KAALA BHAIRAVAASHTAKAM - TELUGU

దేవరాజ సేవ్యమాన పావనాంఘ్రి పంకజం
వ్యాళయజ్ఞ సూత్రమిందు శేఖరం కృపాకరమ్ |
నారదాది యోగిబృంద వందితం దిగంబరం
కాశికాపురాధినాథ కాలభైరవం భజే || 1 ||

భానుకోటి భాస్వరం భవబ్ధితారకం పరం
నీలకంఠ మీప్సితార్ధ దాయకం త్రిలోచనం |
కాలకాల మంబుజాక్ష మస్తశూన్య మక్షరం
కాశికాపురాధినాథ కాలభైరవం భజే || 2 ||

శూలటంక పాశదండ పాణిమాది కారణం
శ్యామకాయ మాదిదేవ మక్షరం నిరామయమ్ |
భీమవిక్రమం ప్రభుం విచిత్ర తాండవ ప్రియం
కాశికాపురాధినాథ కాలభైరవం భజే || 3 ||

భుక్తి ముక్తి దాయకం ప్రశస్తచారు విగ్రహం
భక్తవత్సలం స్థితం సమస్తలోక విగ్రహమ్ |
నిక్వణన్-మనోజ్ఞ హేమ కింకిణీ లసత్కటిం
కాశికాపురాధినాథ కాలభైరవం భజే || 4 ||

ధర్మసేతు పాలకం త్వధర్మమార్గ నాశకం
కర్మపాశ మోచకం సుశర్మ దాయకం విభుమ్ |
స్వర్ణవర్ణ కేశపాశ శొభితాంగ నిర్మలం
కాశికాపురాధినాథ కాలభైరవం భజే || 5 ||

రత్న పాదుకా ప్రభాభిరామ పాదయుగ్మకం
నిత్య మద్వితీయ మిష్ట దైవతం నిరంజనమ్ |
మృత్యుదర్ప నాశనం కరాళదంష్ట్ర భూషణం
కాశికాపురాధినాథ కాలభైరవం భజే || 6 ||

అట్టహాస భిన్న పద్మజాండకోశ సంతతిం
దృష్టిపాత నష్టపాప జాలముగ్ర శాసనమ్ |
అష్టసిద్ధి దాయకం కపాలమాలికా ధరం
కాశికాపురాధినాథ కాలభైరవం భజే || 7 ||

భూతసంఘ నాయకం విశాలకీర్తి దాయకం
కాశివాసి లోక పుణ్యపాప శోధకం విభుమ్ |
నీతిమార్గ కోవిదం పురాతనం జగత్పతిం
కాశికాపురాధినాథ కాలభైరవం భజే || 8 ||

కాలభైరవాష్టకం పఠంతి యే మనోహరం
జ్ఞానముక్తి సాధకం విచిత్ర పుణ్య వర్ధనమ్ |
శోకమోహ లోభదైన్య కోపతాప నాశనం
తే ప్రయాంతి కాలభైరవాంఘ్రి సన్నిధిం ధ్రువమ్ ||