|| ఋణ హర / ఋణవిమోచన గణేశస్తోత్రమ్ ||
కైలాస పర్వతే రమ్యే శంభుం చంద్రార్ధ శేఖరమ్ |
షడమ్నాయ సమాయుక్తం ప్రపచ్ఛ నగకన్యకా ||
దేవేశ పరమేశాన సర్వశాస్త్రార్థపారగ |
ఉపాయం ఋణనాశస్య కృపయా వదసాంప్రతమ్ ||
అస్య శ్రీ ఋణహర్తృ గణపతి స్తోత్ర మంత్రస్య |
సదాశివ ఋషిః | అనుష్టుప్ ఛందః |
శ్రీ ఋణహర్తృ గణపతి దేవతా |
గౌం బీజం గం శక్తిః గోం కీలకం
సకల ఋణనాశనే వినియోగః |
శ్రీ గణేశ ఋణం ఛింది వరేణ్యం హుం నమః ఫట్
ఇతి కర హృదయాది న్యాసః ||
| ధ్యానం |
సింధూరవర్ణం ద్విభుజం గణేశం
లంబోదరం పద్మదళే నివిష్టమ్ |
బ్రహ్మాదిదేవైః పరిసేవ్యమానం
సిద్ధైర్యుతం తం ప్రణమామి దేవమ్ ||
| స్తోత్రం |
సృష్ట్యాదౌ బ్రహ్మణా సమ్యక్ పూజితః ఫలసిద్ధయే |
సదైవ పార్వతీపుత్రః ఋణనాశం కరోతు మే || ౧ ||
త్రిపురస్యవధాత్పూర్వం శంభునా సమ్యగర్చితః |
సదైవ పార్వతీపుత్రః ఋణనాశం కరోతు మే || ౨ ||
హిరణ్యకశ్యపాదీనాం వధార్థే విష్ణునార్చితః |
సదైవ పార్వతీపుత్రః ఋణనాశం కరోతు మే || ౩ ||
మహిషస్య వధే దేవ్యా గణనాథః ప్రపూజితః |
సదైవ పార్వతీపుత్రః ఋణనాశం కరోతు మే || ౪ ||
తారకస్య వధాత్పూర్వం కుమారేణ ప్రపూజితః |
సదైవ పార్వతీపుత్రః ఋణనాశం కరోతు మే || ౫ ||
భాస్కరేణ గణేశోహి పూజితశ్చ విశుద్ధయే |
సదైవ పార్వతీపుత్రః ఋణనాశం కరోతు మే || ౬ ||
శశినా కాంతివృద్ధ్యర్థం పూజితో గణనాయకః |
సదైవ పార్వతీపుత్రః ఋణనాశం కరోతు మే || ౭ ||
పాలనాయ చ తపసాం విశ్వామిత్రేణ పూజితః |
సదైవ పార్వతీపుత్రః ఋణనాశం కరోతు మే || ౮ ||
| ఫలశ్రుతి |
ఇదం తు ఋణహరం స్తోత్రం తీవ్రదారిద్ర్యనాశనమ్ |
ఏకవారం పఠేన్నిత్యం వర్షమేకం సమాహితః ||
దారిద్ర్యం దారుణం త్యక్త్వా కుబేరసమతాం వ్రజేత్ |
పఠంతోఽయం మహామంత్రః సార్థ పంచదశాక్షరః ||
శ్రీగణేశం ఋణం ఛింది వరేణ్యం హుం నమః ఫట్ |
ఇమం మంత్రం పఠేదంతే తతశ్చ శుచిభావనః ||
ఏకవింశతి సంఖ్యాభిః పురశ్చరణమీరితం |
సహస్రవర్తన సమ్యక్ షణ్మాసం ప్రియతాం వ్రజేత్ ||
బృహస్పతి నమో జ్ఞానే ధనే ధనపతిర్భవేత్ |
అస్యైవాయుత సంఖ్యాభిః పురశ్చరణ మీరితః ||
లక్షమావర్తనాత్ సమ్యక్ వాంఛితం ఫలమాప్నుయాత్ |
భూతప్రేత పిశాచానాం నాశనం స్మృతిమాత్రతః ||
|| ఇతీ శ్రీ కృష్ణయామళ తంత్రే ఉమామహేశ్వర సంవాదే ఋణహర్తృ గణేశ స్తోత్రం సంపూర్ణమ్ ||
